Ռուսական «Культура» ալիքով կցուցադրեն Հարություն Խաչատրյանի «Սահման» ֆիլմը, որտեղ գոմեշը երազում էր անցնել հայ-ադրբեջանական սահմանը
Հարություն Խաչատրյանի «Սահման» ֆիլմը հունվարի 23-ին կցուցադրվի ռուսական «Մշակույթ» ալիքով:
«Ոսկե ծիրան» կինոփառատոնի մամուլի ծառայությունից News.am-ին հայտնել են, որ ֆլմը կցուցադրվի «Կուլտ կինո» ծրագրի շրջանակում հունվարի 23-ին, Երեւանի ժամանակով 23:40-ին:
Դրամայի գլխավոր հերոսը գոմեշն է, որը երազում էր հատել հայ-ադրբեջանական սահմանը: Հատկանշական է, որ գոմեշի մասին պատմությունն իրական է եւ դրա ականատեսն է եղել Հարություն Խաչատրյանը, որն էլ դարձել է ֆիլմի հիմքը:
2010 թվականին Շվեյցարիայի Ֆրիբուրգի միջազգային կինոփառատոնում Խաչատրյանի «Սահման» ֆիլմն արժանացել է կինոքննադատների FIPRESCI միջազգային ասոցիացիայի մրցանակին:
Աղբյուրը` News.am